Нашата семејна компанија З-Пласт е основана во 1990 година, како трговска компанија за овошје и зеленчук. Се наоѓаме во Муртино, во регионот на Струмица, 50 км оддалечени од бугарската и грчката граница. Нашата компанија е лоцирана во подножјето на планината Беласица, област опкружена со плодна почва која изобилува со чиста изворска вода. Меѓу другото, овој регион има најмногу сончеви денови во текот на годината.

Многу генерации на земјоделци во оваа област работат грижливо на производство на земјоделски производи богати со нутритивни вредности. Наша примарна цел е да градиме пријателски и односи на доверба со нив, што ни овозможува избор на најквалитетни, органски одгледани производи. Ваквиот пристап е основа за нашето искуство со извоз во источниот и делумно западноевропскиот пазар.

Во зависност од вашите потреби, ви нудиме овошје и зеленчук: свежо, замрзнато и конзервирано. Освен за секојдневна употреба, нашите производи се користат во пошироката прехранбена индустрија за производство на џем, салати, сосови, зачини итн.

Искуството и квалитетот се наша јака страна. Подготвени сме да бидеме ваши партнери!